Salsvilkår

Avtalen består av desse salsvilkåra, opplysningane som er gjevne i bestillingsløysinga og eventuelle særskilt avtalte vilkår. Ved eventuell motstrid mellom opplysningane går det som er særskilt avtalt mellom partane føre, så lenge det ikkje er i strid med ufråvikeleg lovgiving. Avtalen blir i tillegg utfylt av relevante lovføresegner som regulerer kjøp av varer mellom næringsdrivande og forbrukarar.

Seljar er Optima Produkter AS, Gamle Dalavegen 86, 5600 Norheimsund
E-post: post@optimaph.no
Telefon: +47 56 56 46 10
Organisasjonsnummer: 879 390 672

I det følgjande blir verksemda omtalt som seljaren.

Kjøpar er den forbrukaren som legg inn bestillinga, og blir i det følgjande omtalt som kjøparen.

Den oppgjevne prisen for varer og tenester er den samla prisen kjøparen skal betale. Prisen omfattar alle avgifter og tilleggskostnader.Eventuelle tilleggskostnader som seljaren ikkje har opplyst om før kjøpet, skal ikkje berast av kjøparen.

Avtalen er bindande for begge partar når kjøparen har sendt bestillinga si til seljaren.

Avtalen er likevel ikkje bindande dersom det har skjedd skrive- eller tastefeil i tilbodet frå seljaren i bestillingsløysinga i nettbutikken eller i bestillinga frå kjøparen, og den andre parten innsåg eller burde ha forstått at det låg føre ein slik feil.

Seljaren kan krevje betaling for vara frå det tidspunktet ho blir send frå seljaren til kjøparen.

Dersom kjøparen betaler med kredittkort eller debetkort, kan seljaren reservere kjøpesummen på kortet ved bestilling. Kortet blir belasta same dagen som vara blir send.

Ved betaling med faktura blir fakturaen send til kjøparen når vara blir sendt. Betalingsfristen går fram av fakturaen og er minst 14 dagar frå mottak.

Kjøparar under 18 år kan ikkje betale med faktura.

Klarna Kustom Checkout

Vi nyttar Klarna Kustom som leverandør av kassen vår. Dette inneber at vi kan overføre personopplysningar, som kontaktopplysningar og ordreinformasjon, til Klarna Kustom når kassesida blir opna, slik at Klarna Kustom kan handtere kjøpet ditt.

Personopplysningane som blir overførte, blir behandla i samsvar med personvernerklæringa til Klarna.

I tillegg, så kan du betale med Vipps/Visa/Mastercard. 

Levering har skjedd når kjøparen, eller ein representant for kjøparen, har teke imot vara. Dersom leveringstidspunktet ikkje går fram av bestillingsløysinga, skal seljaren levere vara til kjøparen utan ugrunna opphald og seinast 30 dagar etter at bestillinga er motteken. Vara skal leverast til kjøparen dersom ikkje anna er særskilt avtalt mellom partane.

Alle bestillingar blir sende med Post Nord eller Posten/Bring, innan 0 – 4 arbeidsdagar.

Frakt for privatkundar

Post Nord sin fraktguide er integrert i nettbutikken. Dersom pakken er under 2,0 kg og ein er privatkunde kan ein få den heim i postkassen for kr 99,-. Fraktfritt ved bestilling over kr 1600.- inkl mva. Ved sending til utleveringsstad har PostNord standard hentefrist 7 dagar.

Frakt for bedriftskundar

Post Nord sin fraktguide er integrert i nettbutikken. På småvarer til og med 1 liter er det gratis frakt ved kjøp over kr 2800,- eks. mva. På varer med volum 5 liter eller meir vert det halv frakt ved kjøp av minimum 4*5 liter. Fraktfritt ved kjøp av varer over 300 kg eller kr 14000,- eks. mva.

Varer som vert skada under sending

Noter ned skaden i transportdokument eller leveranseoversikt dersom dette fylgjer med når du mottek varene. Ta bilete av skaden og send straks til: post@optimaph.no Me vil ta kontakt med transportselskap umiddelbart.

Risikoen for vara går over til kjøparen når kjøparen, eller ein representant for kjøparen, har fått vara levert i samsvar med punkt 6.

Med mindre avtalen er unnateken frå angrerett, kan kjøparen gå frå kjøpet i samsvar med føresegnene i angrerettlova. Kjøparen må gi seljaren melding om bruk av angreretten innan 14 dagar frå angrefristen tek til å løpe. Alle kalenderdagar blir rekna med. Dersom fristen går ut på ein laurdag, heilagdag eller annan høgtidsdag, blir han forlenga til næraste verkedag. Angrefristen er halden dersom melding er send før fristen går ut. Kjøparen har bevisbyrda for at angreretten er nytta, og meldinga bør derfor sendast skriftleg, til dømes via angrerettskjema, e-post eller brev.

Når tek angrefristen til?

• Ved kjøp av enkeltståande varer tek angrefristen til dagen etter at vara er motteken.
• Ved abonnement eller avtalar om regelmessig levering av identiske varer tek fristen til dagen etter at den første sendinga er motteken.
• Dersom kjøpet omfattar fleire leveransar, tek angrefristen til dagen etter at den siste leveransen er motteken.

Angrefristen blir forlenga til 12 månader etter utløpet av den opphavlege fristen dersom seljaren ikkje før avtaleinngåinga har opplyst om angreretten og levert standardisert angrerettskjema. Det same gjeld dersom det manglar opplysningar om vilkår, fristar eller framgangsmåten for å nytte angreretten. Dersom seljaren gir desse opplysningane i løpet av dei 12 månadene, går angrefristen likevel ut 14 dagar etter at kjøparen mottok opplysningane. Ved bruk av angreretten skal vara returnerast til seljaren utan ugrunna opphald, og seinast 14 dagar etter at melding om bruk av angreretten er gitt. Kjøparen dekkjer dei direkte kostnadene ved retur av vara, med mindre noko anna er avtalt, eller seljaren ikkje har opplyst om at kjøparen skal bere returkostnadene. Seljaren kan ikkje krevje gebyr for at kjøparen nyttar angreretten. Kjøparen kan undersøkje eller prøve vara på ein forsvarleg måte for å fastslå art, eigenskapar og funksjon, utan at angreretten fell bort. Dersom prøvinga går lenger enn det som er nødvendig og forsvarleg, kan kjøparen bli ansvarleg for eventuell verdireduksjon på vara. Seljaren skal betale tilbake kjøpesummen utan ugrunna opphald, og seinast 14 dagar etter at melding om bruk av angreretten er motteken. Seljaren har rett til å halde tilbake tilbakebetalinga til vara er motteken i retur, eller til kjøparen har lagt fram dokumentasjon på at vara er sendt tilbake.

Bli fornøgd eller pengane tilbake:

Me er så sikre på at også du vil bli ein fornøgd kunde at skulle du likevel ikkje bli det får du kjøpesummen tilbake utan vidare. Einaste vilkåret er at du i ein mail fortel om korleis du har brukt produktet og kva som ikkje vart i samsvar med produktopplysningane.

Dersom seljaren ikkje leverer vara, eller leverer ho for seint i samsvar med avtalen mellom partane, og dette ikkje kjem av forhold på kjøparen si side, kan kjøparen etter reglane i forbrukarkjøpslova kapittel 5, alt etter omstenda, halde kjøpesummen tilbake, krevje oppfylling, heve avtalen og/eller krevje erstatning frå seljaren. Ved krav om mishaldssanksjonar bør meldinga, av omsyn til dokumentasjon, vere skriftleg (til dømes e-post).

Oppfylling

Kjøparen kan halde fast ved kjøpet og krevje at seljaren oppfyller avtalen. Kjøparen kan likevel ikkje krevje oppfylling dersom det ligg føre ei hindring som seljaren ikkje kan overvinne, eller dersom oppfylling vil medføre så stor ulempe eller kostnad for seljaren at dette står i vesentleg mishøve til kjøparen si interesse i at avtalen blir oppfylt. Dersom hindringa fell bort innan rimeleg tid, kan kjøparen likevel krevje oppfylling. Kjøparen mistar retten til å krevje oppfylling dersom kravet ikkje blir fremja innan rimeleg tid.

Heving 

Dersom seljaren ikkje leverer vara til avtalt tid, skal kjøparen oppmode seljaren om å levere innan ein rimeleg tilleggsfrist. Dersom seljaren ikkje leverer innan denne fristen, kan kjøparen heve kjøpet. Kjøparen kan likevel heve kjøpet straks dersom seljaren nektar å levere vara. Det same gjeld dersom levering til avtalt tid var avgjerande for avtaleinngåinga, eller dersom kjøparen har gjort det klart for seljaren at leveringstidspunktet var avgjerande. Dersom vara blir levert etter tilleggsfristen eller etter det leveringstidspunktet som var avgjerande for avtalen, må krav om heving fremjast innan rimeleg tid etter at kjøparen fekk kjennskap til leveringa.

Erstatning

Kjøparen kan krevje erstatning for økonomisk tap som følgje av forseinkinga. Dette gjeld likevel ikkje dersom seljaren kan dokumentere at forseinkinga skuldast ei hindring utanfor seljaren sin kontroll, som det ikkje med rimelegheit kunne reknast med på avtaletidspunktet, eller at følgjene ikkje kunne vore unngått eller overvunne.

Dersom det ligg føre ein mangel ved vara, må kjøparen innan rimeleg tid etter at mangelen blei oppdaga, eller burde ha blitt oppdaga, gi seljaren melding om at mangelen blir påberopt. Reklamasjon er alltid framsett i tide dersom han skjer innan to månader etter at mangelen blei oppdaga eller burde ha blitt oppdaga. Reklamasjon må seinast skje innan to år etter at kjøparen tok imot vara. Dersom vara, eller delar av henne, er meint å vare vesentleg lenger enn to år, er reklamasjonsfristen fem år.

Dersom vara har ein mangel, og dette ikkje kjem av forhold på kjøparen si side, kan kjøparen etter reglane i forbrukarkjøpslova kapittel 6, alt etter omstenda, halde kjøpesummen tilbake, velje mellom retting og omlevering, krevje prisavslag, heve avtalen og/eller krevje erstatning frå seljaren.

Reklamasjon bør sendast skriftleg.

Retting eller omlevering

Kjøparen kan velje mellom å krevje at mangelen blir retta eller å få levert ei tilsvarande vare. Seljaren kan likevel motsetje seg kravet dersom gjennomføringa er umogleg eller vil medføre urimelege kostnader. Retting eller omlevering skal skje innan rimeleg tid. Seljaren har som hovudregel ikkje rett til meir enn to forsøk på å rette den same mangelen.

Prisavslag

Kjøparen kan krevje eit høveleg prisavslag dersom vara ikkje blir retta eller omlevert. Prisavslaget skal svare til skilnaden mellom verdien av vara i mangelfull stand og verdien ho ville hatt dersom ho var i samsvar med avtalen. Dersom særlege grunnar talar for det, kan prisavslaget i staden fastsetjast ut frå kva mangelen har å seie for kjøparen.

Heving

Dersom mangelen ikkje blir retta eller vara ikkje blir omlevert, kan kjøparen òg heve kjøpet dersom mangelen ikkje er uvesentleg.

Dersom kjøparen ikkje betaler eller på annan måte mislighaldar pliktene sine etter avtalen eller lova, og dette ikkje kjem av forhold på seljaren si side, kan seljaren etter reglane i forbrukarkjøpslova kapittel 9, alt etter omstenda, halde vara tilbake, krevje oppfylling av avtalen, heve avtalen og krevje erstatning frå kjøparen. Seljaren kan òg krevje forseinkingsrenter, inkassogebyr og eit rimeleg gebyr for varer som ikkje blir henta.

Oppfylling

Seljaren kan halde fast ved kjøpet og krevje at kjøparen betaler kjøpesummen.Dersom vara ikkje er levert, mistar seljaren denne retten dersom kravet ikkje blir fremja innan rimeleg tid.

Heving

Seljaren kan heve avtalen dersom det ligg føre vesentleg betalingsmishald eller anna vesentleg mishald frå kjøparen si side. Seljaren kan likevel ikkje heve avtalen dersom heile kjøpesummen er betalt. Dersom seljaren har sett ein rimeleg tilleggsfrist for oppfylling, og kjøparen ikkje betaler innan denne fristen, kan seljaren heve kjøpet.

Forseinkingsrenter og inkassogebyr

Dersom kjøparen ikkje betaler kjøpesummen i samsvar med avtalen, kan seljaren krevje renter etter forseinkingsrentelova.Ved manglande betaling kan kravet, etter føregåande varsel, sendast til inkasso. Kjøparen kan då bli ansvarleg for kostnader etter inkassolova.

Gebyr for uavhenta varer

Dersom kjøparen ikkje hentar varer som ikkje er førehandsbetalte, kan seljaren krevje eit gebyr. Gebyret skal ikkje overstige dei faktiske kostnadene seljaren har hatt ved å levere vara. Eit slikt gebyr kan ikkje krevjast av kjøparar under 18 år.

Ein garanti som blir gitt av seljaren eller produsenten, gir kjøparen rettar i tillegg til dei rettane kjøparen allereie har etter ufråvikeleg lovgiving. Ein garanti inneber derfor inga avgrensing av kjøparen sin rett til å reklamere eller gjere gjeldande krav ved forseinking eller mangel etter punkt 9 og 10.

Seljaren er behandlingsansvarleg for personopplysningane som blir samla inn. Med mindre kjøparen samtykkjer til noko anna, kan seljaren berre samle inn og lagre dei personopplysningane som er nødvendige for å oppfylle pliktene etter avtalen, i samsvar med personopplysningslova. Personopplysningane til kjøparen blir berre utleverte til andre dersom det er nødvendig for å gjennomføre avtalen med kjøparen, eller når det følgjer av lov.

Klager skal rettast til seljaren innan rimeleg tid, jf. punkt 9 og 10. Partane skal forsøkje å løyse eventuelle tvistar i minnelegheit. Dersom dette ikkje lukkast, kan kjøparen ta kontakt med Forbrukarrådet for mekling. Forbrukarrådet kan kontaktast på telefon 23 00 05 00 eller via www.forbrukerradet.no.